به‌پێی هه‌واڵی کوردپرێس، ڕۆژی شه‌ممه‌ 15ی ئه‌یلوول عه‌لی لاریجانی سه‌رۆکی په‌رله‌مانی ئێران برووسکه‌یێکی پیرۆزبایی ئاراسته‌ی سه‌رۆکی نوێی په‌رله‌مانی عێراق کرد و ئاماژه‌ی به‌وه‌ کرد به‌ په‌یوه‌ندییه‌ فراوانه‌کانی نێوان ھه‌ر دوو وڵاتی ئێران و عێراق به‌تایبه‌تی له‌سه‌ر ئاستی په‌رله‌مانی و ھیوای خواستوووه‌ له‌ سایه‌ی سه‌رۆکایه‌تیی حه‌لبوسیدا ئاسۆی په‌یوه‌ندییه‌کان زیاتر په‌ره‌ی پێبدرێت.

له‌ برووسکه‌ی پیرۆزباییی سه‌رۆکی په‌رله‌مانی ئێراندا هاتوووه‌: " گه‌لی عێراقی مه‌زن به‌ مێژووی مه‌زنی پێگه‌یێکی تایبه‌تی ھه‌یه‌ له‌لای گه‌ل و حکوومه‌ت و په‌رله‌مانی ئێران و ھیوادارم عێراق سه‌رکه‌وتن و خۆشگوزه‌رانی زیاتر به‌خۆیه‌وه‌ ببینێت."

شایانی باسه‌؛ ڕۆژی شه‌ممه‌ 15ی ئه‌یلوول ٢٥١ په‌رله‌مانتاری عێراق به‌شدارییان له‌ ده‌نگدان بۆ سه‌رۆکی په‌رله‌مان کرد ‌و ١٦٩ په‌رله‌مانتار ده‌نگیان به‌ محه‌مه‌د حه‌لبوسی کاندیدی میحوه‌ری وه‌ته‌نی دا.

محه‌مه‌د ریکان ئه‌لحه‌لبوسی گه‌نجێکی سوننه‌ مه‌زھه‌بی خه‌ڵکی پارێزگای ئه‌نباری ڕۆژئاوای عێراقه‌ و له‌دایکبووی ساڵی ١٩٨١ه‌.

سه‌رچاوه‌: میدیاکانی ئێران

کۆدی هه‌واڵنێر: 60103