«حسێن مەستۆ» ئەندامی مەکتەبی سیاسی پارتی دیموکراتی کورد لە سووریا (الپارتی) لە وەڵامی پرسیارێکی کوردپرێسدا کە ئایا حزبە کوردەکانی سووریا پلانێکیان بەدەستەوەیە بۆ گەڕاندنەوەی ئاوارەکانی عەفرین بۆسەر ماڵ و حاڵی خۆیان، ڕایگەیاند: ئێمە وەکوو ئەندامی مەکتەبی سیاسی پارتی دیموکراتی کورد لە سووریا (الپارتی) لەو بڕوایەداین کە خێزانەکانی عەفرینی دەبێت بۆ زێدی خۆیان بگەڕێنەوە. ئەوەمەش هەوڵ و هەڵمەتێکی دروستە کە ئو خێزانگەلە بۆ ماڵەکانی خۆیان بگەڕێنەوە چوونکە ئەگەر کوردەکان عەفرین بەجێبهێڵن ناوچەکە بەشێوەیێکی بەرچاو پاکسازی دەکرێت لە کورد.
ناوبراو زیادی کرد: لەئێستادا ئەگەر خەڵک بیانەوێت بۆ عەفرین بگەڕێنەوە هیچ مەترسییێکیان لەسەر نییە. گرووپەکانی سەر بە تورکیا لە عەفریین بەڵام ئەوێ زێدی خەڵکی کوردە و گەڕانەوەیان بۆ ماڵەکانی خۆیان زۆر پێویستە.
حسێن مەستۆ وتیشی: تا ئێستا نزیکەی 200 خێزانی کورد گەڕاونەتەوە عەفرین و پێویستە ئەوانی دیکەش بگەڕێنەوە.
Your Comment