بەپێی هەواڵی کوردپرێس، وارشین سەلمان، قائیمقامی قەزای ئامێدی بە کوردستان 24ی راگەیاند، دوو هاووڵاتیەکە بە مەبەستی راوە ماسی چوونەتە گوندی سیدان لە ناوچەی شێلادزێ و لەناکاو بوونەتە ئامانجی فڕۆکەکانی تورکیا و به‌ هۆی بۆردوومانی فڕۆكه‌كانه‌وه‌ بریندار بوون.

قائیمقایمی ئامێدی راشیگەیاند، کە دوو هاووڵاتییەکە برینیان سووکە و دوای وەرگرتنی چارەسەری پێویست ڕەوانەی ماڵەوە کراون.

گوتیشی: ناوچەكه‌ دوورە دەستە و ساڵانێکە گوندەکانی ئەو ناوچەیە چۆڵن و بە بەردەوام دەبنە ئامانجی فڕۆکەکانی تورکیا.

لەماوەی چەند ساڵی رابردوودا لە سنووری قەزای ئامێدی بەهۆی بۆردوومانی فڕۆکەکانی تورکیا و شەڕی چەکدارانی پەکەکەوە 36 هاووڵاتی ناوچەکە گیانیان لەدەست داوە و چەندین هاووڵاتیش بریندار کراون.

کۆدی هەواڵنێر: 60113