بەپێی هەواڵی کوردپرێس، وەزارەتی دەرەوەی تورکیا لە راگەیێنراوێکدا ئاماژەی بەوە کردووە، سەرکۆنەی کردنەوەی نوێنەرایەتیی بەڕێوەبەریی خۆسەر لە جنێڤی پایتەختی سویسرا دەکەن و داوادەکات ئەو وڵاتە روونکردنەوە بدات.

لە راگەیێنراوەکەی وەزارەتی دەرەوەی تورکیادا هاتووە: "وەزارەتمان جەخت لەوە دەکاتەوە پێویستە سویسرا رێگە بە هەوڵەکانی رێکخراوی تیرۆریستی و باڵە درێژکراوەکان و کۆمەڵە و رێکخراوە پەیوەندیدارەکان نەدات پڕوپاگەندە بکەن و ئەو رێکخراوانە بە رەوا بناسێنرێن".

وەزارەتی دەرەوەی تورکیا هۆشداریی داوەتە سویسرا بەوەی ئەو جموجووڵە سەر بە "پەکەکەیە و رۆژێک دێ زیان بە سویسراش بگەیێنێت". لە راگەیێندراوەکەدا هاتووە، "ئەوانەی باوەش بۆ رێکخراوی تیرۆرستی دەکەنەوە و پشتئەستوورن بەوەی هیچ زیانێک بە ئەوان ناگەیێنێت، رۆژێک ئەو عیللەتە ئەوانیش دەگرێتەوە و ئەوکاتە بە بیریان دەهێنینەوە.

وەزارەتی دەروەی تورکیا ڕاشیگەیاند "وڵاتەکەمان بە پێداگرییەوە بەردەوامدەبێت لە بەرەنگاربوونەوەی پەکەکە و باڵە درێژکراوەکانی. پەکەکە لەلایەن یەکێتیی ئەورووپاشەوە بە تیرۆرست دەزانرێت".

شایانی باسە دووشەممە 9ی ئابی 2021 نوێنەرایەتیی بەڕێوەبەرایەتیی خۆسەر لە جنێڤی پایتەختی سویسرا بە فەرمی کرایەوە.

کۆدی هەواڵنێر: 60113