بەپێی هەواڵی کوردپرێس، بەرپرسانی کوردی سووریا داوایان لە 50 وڵاتی جیهان کردووە نزیکەی 65000 ئەندامی داعش و بنەماڵەکانیان لەناوچەی ژێر کونترۆڵی کوردان ببەنەوە. تا ئێستا ژماریێک کەم لە وڵاتان داعشەکانیان وەرگرتۆتەوە بەتایبەت 2000 شەڕکەری وڵاتانی ڕۆژئاوایی.

گۆڤاری گلوب ئەند میل-ی کەنەدا باس لە خۆبواردنی حکوومەتی وڵاتەکەی دەکات لە گەڕاندنەوەی داعشەکان بۆ ناو وڵات. بەڵام مارک گارنۆ وەزیری دەرەوەی کەنەدا دەڵێت بەرپرسانی وڵات سەردانی ناوچەی ژێر کونترۆڵی کوردەکانیان کردووە تا زانیاریی زیاتر لەبارەی هاووڵاتییەکانیان بەدەست بێنن کە لە کەمپەکان و زیندانەکانی ژێر دەسەڵاتی بەڕێوەبەریی خۆسەردا ڕاگیراون.

بەپێی ڕاپۆرتێکی ڕوانگەی مافی مرۆڤ، 45 هاووڵاتیی کەنەدا لە زیندانەکان و کەمپەکانی ژێر کونترۆڵی کوردەکانی سووریادان بەڵام دەسەڵاتی کەنادا مەیلی گەڕاندنەوەیانی نییە.

کۆدی هەواڵنێر: 60113