کوردپرێس:

کەریم نووری، بریکاری وەزارەتی كۆچ و كۆچبەرانی عێراق ئاشكرای كرد، بەپێی دوایین ئامار، كۆی ئاوارەکان ژمارەیان 37 هەزار خێزانه‌، لەوانە 30 هەزار یان لەکەمپەکانی ھەرێمی کوردستان نیشتەجێن و ئەوانه‌ی دیكەش لە کەمپەکانی فەلوجە و ئەنبار و نەینەوان.

ئاماژەی بەوەشكرد، ژمارەی خێزانە ئاوارەکان لە دوای ساڵی 2014ـه‌وە 750 هەزار خێزان بووە، ئێستا ئه‌و ژماره‌یه‌ کەمبووە بۆ 37 هەزار خێزان، لەم چەند مانگەی دواییشدا چەندین خێزان گەڕاونەتەوە ناوچەكانیان و زیاتر لە 50 کەمپیش داخراون.

بریکاری وەزارەتی كۆچ و كۆچبەرانی عێراق روونیكرده‌وه‌، 26 کەمپی ئاوارەکان لە هەرێمی کوردستان ماون، کە 16 کەمپ لە دهۆكه‌، 6 كه‌مپ لە هەولێره‌ و 4 کەمپیش لە سلێمانی خێزانە ئاوارەکانی عێراقی تێدا ماوە.