بەپێی هەواڵی کوردپرێس، ئەحمەد شەرع سەرۆکی دەسەڵاتی ڕاگوزەری سووریا ئاشکرای دەکات بۆ  دانیشتنی پەرلەمان چاوەڕێی ئاساییبونەوەی بارودۆخی باکووری ڕۆژهەڵاتی سووریاین و لیژنەمان ناردوە بۆ ئەوەی هەڵبژاردن لە "ناوچە ڕزگارکراوەکان" دەستپێبکەن.
ناوبراو وتیشی ۴۰%ی بوودجەی ئەمساڵ بۆ خزمەتگوزارییەکانی وەک تەندروستی و پەروەرده تەرخاندەکرێت. 
شەرع ڕاشیگەیاند بڕیارماندا بە زیادکردنی مووچە و کرێی گشتی بۆ هەموو فەرمانبەران بە ڕێژەی ۵۰%.
شەرع وتیشی ڕووداوەکانی ناوچەکە گەورە و دەگمەنن، لە دوای جەنگی جیهانی دووەمەوە شاهیدی نەبوین.
سەرۆکی سووریا وتیشی کار دەکەین بۆ دوورخستنەوەی سووریا لەو ململانێ و کێشمەکێشانەی ناوچەکەی گرتووەتەوە.