بەپێی هەواڵی کوردپرێس، عەبدوڵڵا ئۆجەلا، ئەمشەو لە ڕاگەیەندراوێكدا بڵاویكردەوە، کۆچی دوایی سری سورەیا ئۆندەری، ئازیزمان خەمێکی قووڵی لە دڵماندا چاند. ئەو کەسێکی زۆر بەنرخ بوو، ڕۆڵەیێکی ڕاستەقینەی گەل بوو. ئەنادۆڵ و تورکمان ڕۆڵەیێکی گەورەی لەدەست دا، هەموو پێکهاتەکان و گەلانی جوگرافیاکەمان هەڤاڵێکی بەنرخیان لەدەستدا.

ئاماژەی بەوەش كرد، ڕێزێکی زۆرم بۆ یادەوەرییەکەی هەیە، کۆشش و ماندووبوونێکی لەبیرنەکراوی هەبوو بۆ پێکەوە ژیانی ئاشتیانە. شارەزایییێکی وەستایانە هەبوو لە گۆڕینی هەموو نەرێنییەکان بۆ ئەرێنی. شوناسێکی ڕاستەقینەی ئاشتی و کولتوری ئاشتی بوو.

ئۆجەلان باسی لەوەش كرد،  ئەو زۆر باش دەیزانی کە ئاشتی و پرۆسەی ئاشتی سوودی بۆ هەموومان دەبێت و ئەمەش حەسرەتی گەورەی ئەو بوو. ئەم هیوایە هەرگیز ناتوانرێت بە تەواونەکراوی بمێنێتەوە. ئەوەی بۆ هەموومان گرنگە، هەڵگرتنی ئەم ڕۆحە بەرەو ئاشتی و تاجی لە سەر ناوی سری سورەیا ئۆندەر. جارێکی دیكە پەرۆشی هەمیشەیی خۆم بۆ یادەوەری تۆ دەرئەبڕم. پرسە و سەرەخۆشی خۆم ئاراستەی بنەماڵە بەنرخەکەی و دۆستان و ئازیزان و هەموو گەلەکەمان دەکەم.