عێراق هاوردە کردنی گۆشت و بەرهەمە شیرەمەنییەکانی لە ئێرانەوە قەدەغە کرد

دەستەی دەروازە سنووریەکانی عێراق ڕایگەیاند، بەگوێرەی ڕێنماییەکان هاوردەکردنی گۆشتی سوور و سپی و بەرهەمە شیرەمەنییەکانی ئێران لە دەروازەی شەلامچە قەدەغە دەکرێت.

بەپێی هەواڵی کوردپرێس، عەلا قەیسی، گوتەبێژی دەستەی دەروزاە سنووریەکان بە میدیا ناوخۆییەکانی عێراقی ڕاگەیاند، ئەو بڕیارە بە مەبەستی ڕێگری کردنە لە قاچاخچێتی ماددە هۆشبەرەکان و لیستی ڕێنماییەکان هەموو جۆرە 'ماسییەک، جۆرە جیاوازەکانی گۆشت، مریشک، خورما، هەروەها بەرهەمە شیرەمەنیەکان' دەگرێتەوە.

قەیسی ئاماژەی بەوەش کرد، قەدەغەکردنەکە تەنها ئەو کەلوپەلانە دەگرێتەوە کە هاووڵاتیان بە تاک لە ڕێگەی بازاڕکردنەوە لە ئێران دەیهێنن، بەڵام گواستنەوەی بازرگانی نێوان هەردوو وڵات ناگرێتەوە.

ناوبراو ڕوونیشی کردەوە، قەدەغەکردنەکە بۆ ڕێگری کردنە لە قاچاخچێتی ماددەی هۆشبەر کە لەناو ئەو بەرهەمانە دەشارنەوە، ئەمەش دەستنیشانکردنیان سەخت دەبێت.

دەستەی دەروازە سنوورییەکانی عێراق ڕۆژی شەممە، دەستگیرکردنی گەشتیارێکی بیانی لە کاتی هەوڵدان بۆ بەقاچاخهێنانی 1450 گرام ماددەی کریستاڵ ڕاگەیاند.

News Code 225143

Tags

Your Comment

You are replying to: .
captcha