تا كۆتای ساڵی داهاتوو هەرێمی كوردستان دەبێتە خاوەن یەک هێزی پێشمەرگە

ڕاوێژكاری سەربازیی سەرۆكی هەرێمی كوردستان ئاماژە دەكات كە هاوپەیمانان لە هەموو هەنگاوەكانی یەكخستنی هێزی پێشمەرگەی كوردستان هاوكار و بەشدارن، چوونكە ئامانجیان ئەوەیە هەرێمی كوردستان یەک هێزی پێشمەرگەی هەبێت.

بەپێی هەواڵی کوردپرێس، بابەكر زێباری ڕاوێژكاری سەربازیی سەرۆكی هەرێمی كوردستان بە ماڵپەڕی "وشە"ی راگەیاندووە: هاوپەیمانان بە هەنگاوەكانی حكوومەتی هەرێمی كوردستان بۆ یەكخستنی هێزی پێشمەرگە زۆر دڵخۆشن، هاوكاریی هێزی پێشمەرگە دەكەن و هاوبەشی ئێمەن و لە هەموو هەنگاوەكان هاوكاریی هێزی پێشمەرگە دەكەن لە مەشق و راهێنان و پڕچەككردن، بۆیە دەیانەوێ لە هەرێمی كوردستان یەک هێزی پێشمەرگە هەبێت، ئامانجی حكوومەتی هەرێمی كوردستانیش ئەوەیە، هەر بۆیە زۆر پاڵپشت و هاوكارن.


ناوبراو ڕوونی كردەوە، هاوپەیمانان لە هاوكاری كردنی هێزی پێشمەرگە لە ماوەی ڕابردوو بەردەوام بوونە و ئێستەش بەردەوامن و لە داهاتووش هاوكاریی هێزی پێشمەرگە دەكەن، چونكە دەیانەوێ یەک هێزی پێشمەرگە لە ژێر چەتڕی وەزارەتی پێشمەرگەدا هەبێت، هەر بۆیە لە هەموو هەوڵەكانی یەكخستنی هێزی پێشمەرگە هاوكار و پاڵپشتی دەكەن، بۆیە بڕیارە تا كۆتای ساڵی داهاتوو هەرێمی كوردستان ببێتە خاوەن یەک هێزی پێشمەرگە و ئیرادەیێكی زۆر باش و رژد لە لایەن حكوومەتی هەرێمەوە هەیە بۆ ئەو مەبەستە و بەردەوام كاری لەسەر دەكرێت، تا ئێستەش هەنگاوی زۆر نراوە و بەشێكی زۆری پێشمەرگەش یەک خراوە و پرۆسەكە تا كۆتایی بەردەوام دەبێت.

News Code 225100

Tags

Your Comment

You are replying to: .
captcha