بەپێی هەواڵی کوردپرێس، گیێر پێدەرسن، دوای بەشداری كردنی لە كۆنفرانسی ئاسایشی میونشن، بەرەو دیمەشق بەڕێكەوت، لە سەردانێكدا كە شارەزایان بە گرنگییێكی تایبەتی دەزانن، هەروەها پەیامی نێودەوڵەتی دەگوازێتەوە بۆ ئیدارەی نوێی سووریا لە ژێر ڕۆشنایی بارودۆخی ئێستا.

پێدەرسن لە لێدوانەكانی سەبارەت بە سووریا دەڵێت، پرۆسەی سیاسی لە سووریا دەبێت هەموو چین و توێژەكانی كۆمەڵگای سووریا بگرێتەوە.

ڕۆژی چوارشەممە، جێنیفر فێنتۆن، وتەبێژی نێردەی تایبەتی نەتەوە یەكگرتووەكان بۆ كاروباری سووریا ڕایگەیاند، لە نزیكەوە بەدواداچوون بۆ پێشهاتەكان و هەوڵەكانی دانوستان لە نێوان دیمەشق و باكووری ڕۆژهەڵاتی سووریا دەكەن.