کوردپرێس: بهگوێرهی ڕاگهیهندراوێكی فەرماندەیی گشتیی سووریا، شاندێكی ڕووسیا به سهرۆكایهتی میخائیل بۆگدانۆڤ، نێردەی تایبەتی ڕووسیا بۆ ڕۆژهەڵاتی ناوەڕاست لە دیمەشق سهردانی ئهحمهد شهرع-ی كردووه و لەمیانی دیدارەکەدا تیشک خرایە سەر پرسە سەرەکییەکان، لەوانە ڕێزگرتن لە سەروەری سووریا و یەکپارچەیی خاکی سووریا.
ئاماژه بهوهش كراوه، شاندهكهی ڕووسیا پشتیوانی خۆی بۆ "ئەو گۆڕانکارییە ئەرێنییانە"ی کە ئێستا لە سووریا ڕوودەدەن دووپات کردەوە، لە وتوێژەکەدا تیشک خرایە سەر ڕۆڵی ڕووسیا لە بنیاتنانەوەی متمانە لەگەڵ گەلی سووریا لە ڕێگەی ڕێوشوێنی کۆنکرێتی وەک قەرەبووکردنەوە، ئاوەدانکردنەوە و بوژانەوە.
له ڕاگهیهندراوهكهدا هاتووه، هەردوولا جهختیان كردهوه لهسهر میکانیزمەکانی دادپەروەری ئینتقالی کرد، کە ئامانج لێی دەستەبەرکردنی لێپرسینەوە و بەدیهێنانی دادپەروەری بۆ قوربانیانی ئەو شەڕە دڕندانەیە کە ڕژێمی ئەسەد بەڕێوەی برد.
ئهوهش خراوهتهڕوو، ئیدارەی نوێی سووریا پابەندبوونی خۆی بە پەیوەندیکردن لەگەڵ هەموو لایەنەکان بە شێوەیەکی پرەنسیپی دووپات کردەوە بۆ بنیاتنانی داهاتوویەک بۆ سووریا کە ڕەگ و ڕیشەی لە دادپەروەری و کەرامەت و سەروەریدا هەبێت.
ئیدارەی نوێی سووریا هەروەها جەختی لەوە کردوەتەوە کە گەڕاندنەوەی پەیوەندییەکان دەبێت چارەسەری هەڵەکانی ڕابردوو بکات و ڕێز لە ئیرادەی گەلی سووریا بگرێت و خزمەت بە بەرژەوەندییەکانیان بکات.
Your Comment