بەپێی هەواڵی کوردپرێس، تۆبیاس تونکڵ نوێنەری وەزارەتی دەرەوەی ئەڵمانیا بۆ ڕۆژهەڵاتی ناوەڕاست و باکووری ئەفریقا و مەزڵووم کۆبانی فەرماندەی گشتیی قەسەدە کۆ بوونەوە و باسیان لە دوایین پێشهاتەکانی سووریا کرد.

تۆبیاس تونکڵ، نوێنەری وەزارەتی دەرەوەی ئەڵمانیا بۆ ڕۆژهەڵاتی ناوەڕاست و باکووری ئەفریقا سەبارەت بە کۆبوونەوەی لەگەڵ مەزڵوم عەبدی بەم شێوەیە لە تۆڕی ئێکس زانیاری بڵاو کردەوە.

تۆبیاس تونکڵ بڵاوی کردەوە، لەگەڵ مەزڵوم عەبدی، فەرماندەی گشتیی هێزەکانی سووریای دیموکراتیک کۆبوونەوە و بارودۆخی ئێستای سووریایان تاوتوێ کردووە.

دەشڵێت: کورد بە باشترین شێوە دەتوانێت ماف و بەرژەوەندییەکانی خۆی لە دیمەشقەوە لە ڕێگەی دیالۆگی ناوخۆیی سووریاوە دەستەبەر بکات.