بەپێی هەواڵی کوردپرێس، «مەتین مورادی» خوێندکاری ماستەری بواری دیزاینی شار لە زانستگای کوردستانی شاری سنە لە ڕکابەریی (Golden Trezzini) توانی خەڵاتی (Golden Certificate) لە بەشی باشترین پڕۆژەکانی یەکەی نیشتەجێ بوون بە پڕۆژەیەک لەژێر ناوی «وارخان» و لە (Silver Certificate) لە بەشی باشترین پڕۆژەی نیشتەجێ بوون بە پڕۆژەی «باوان» مسۆگەر بکات.

ئەم خەڵاتە نێونەتەوەییە بە بەشداریی نوێنەرانی ۳۳ وڵات و ناوەندێکی سەربەخۆی ناحکوومی لە ژێر دروشمی ڕکابەریی «بیناسازی وەکوو هونەر» بە واتای ئەوەی کە «هونەر خولقاندنە نەک ڕووخاندن» بەڕێوەچوو.