بەپێی هەواڵی کوردپرێس، وەزارەتی پێشمەرگەی حكوومه‌تی هه‌رێمی كوردستان له‌ ڕاگه‌یه‌ندراوێكدا باسی له‌وه‌كردوه‌: "بە داخەوە، ئەمڕۆ کاتژمێر 9:00 لە سنووری خورماتوو، بۆمبێکی چێندراو بە کاروانی ئۆتۆمبیلەکانی فەرماندەی فەوجی 3ی لیوای 1ی هاوبەشی پێشمەرگە و سوپای عێراق تەقییەوە".

ئاماژه‌ی به‌وه‌ش كردووه‌، "لە ئەنجامدا عەقید ڕوکن سامان سابر سلێمان فەرماندەی فەوج و عقید محه‌مه‌د ڕەزا که‌ریم ئەفسەری ئەندازەی فیرقەی 9ی سوپای عێراق و شه‌ریف ئه‌حمه‌د حه‌مه‌ئه‌مین شەهیدبوون، هەروەها سێ سەربازیش برینداربوون".

له‌ ڕاگه‌یه‌ندراوه‌كه‌دا ئەوعش هاتووه‌ کە "ڕووداوەکە لە ئەنجامی کێوماڵکردنی ناوچەیەکی بەرفراوانی ئاسایشی هاوبەش بووە".