بەپێی هەواڵی کوردپرێس، ئەردەلان محەممەد سەرسپی سەرۆکی دیوانی پەرلەمانی کوردستان لە کۆنفرانسێکی ڕۆژنامەوانیدا واده‌ى یەکەم دانیشتنی خولی شەشەمی پەرلەمانى كوردستان ئاشكراكرد و وتى: "دوای یەکلاییکردنەوەی تانەکان، ۱۰ ڕۆژ لەبەردەستی سەرۆکی هەرێمە تاوەکوو مەرسووم دەربکات، دواتر ئەگەر هەماهەنگی هەبێت، ڕۆژێک بۆ یەکەم دانیشتنی ئەم خولەی پەرلەمان دیاریدەکرێت".
ناوبراو وتیشى: "بەگوێرەی پەیڕەوی ناوخۆی پەرلەمان، بەتەمەنترین ئەندامی هەڵبژێردراو، سەرۆکایەتیی دانیشتەکان دەکات تائەوکاتەی سەرۆک و جێگر و سکرتێری پەرلەمان هەڵدەبژێردرێن".
ئه‌مه‌ش له كاتێكدایه ڕۆژانى ۱۸و ۲۰ى مانگى ڕابردوو هه‌ڵبژاردنى خولى شه‌شه‌مى په‌رله‌مانى كوردستان ئه‌نجامدرا، بەگوێرەی ئامارەکانی کۆمسیۆنی باڵای هەڵبژاردنەکانییش، بەتێکڕا نزیکەی ۷۰%ی دەنگدەران بەشدارییان لەهەردوو دەنگدانەکەدا کردووە.
Your Comment