بەپێی هەواڵی کوردپرێس، سێرگی لاڤرۆڤ، وەزیری دەرەوەی رووسیا لەبارەی دەستپێکردنەوەی دانوستاندنی نێوان حکوومەتی ناوەندیی سووریا و کوردەکانی ئەو وڵاتە ڕایگەیاند: "بێگومان پرسی کورد لە دانوستاندنەکاندا گرنگیی پێدەدرێت، لەگەڵ پرسەکانی دیکەی پەیوەست بە مەترسییەکانی تیرۆر و پاراستنی ئاساییشی سنوور".

ناوبراو  گوتیشی دەبێ کورد "بەهەموو شێوەیەک خۆیان لە گرووپە تیرۆریستییەکان جیابکەنەوە".

لاڤرۆڤ لەبارەی پێوەندیی نێوان تورکیا و سووریا راگەیاند: "ماوەیەکی کەم لەمەوبەر، قسەم لەگەڵ هاوتا تورکییەکەم کرد، هەروەها قسەم لەگەڵ وەزیری نوێی دەرەوەی کۆماری سووریا کرد. هەردوولا هەندێ بیرۆکەیان هەیە کە بە بڕوای من دەبنە هۆی دەستپێکردنەوەی دانوستانی نێوانیان.