بەپێی هەواڵی کوردپرێس، دووی تەمووزی ۲۰۲۴، سەنگەر كانەبی گەورە، بەرپرسی لقی ۲۳ی پارتی دیموكراتی كوردستان لە بەیاننامەیەكدا ڕایگەیاندووە، ئەو گەوج و نەفامانەی پێیان وایە لە دەرەوەی یاسا و رێسا و مادە دەستوورییەکانی عێراق و دەرچوون لە مادەی ۱۴۰ی دەستووری عێراقی دەتوانن موئامارە بکەن و فەرزی ئیرادە بەسەر مەخموور و مەخموورییەکان و قەراجی خۆشەویست بکەن، ئەوە جارێکی تر خەیاڵ خاو دەمێننەوە و هیچ هێزێک ناتوانێ بڕیاری نایاسایی و نادەستووری جێبەجێ بکات.

لە بەیاننامەكەدا، سەنگەر كانەبی گەورە، ئاماژەی داوە كە  قائیمقام و بەڕێوەبەری شارەدێكان "ناحیەکان" لە کاری ئاسایی خۆیان بەردەوام دەبن و پارتی دیموكراتی كوردستان ئەندامێتی خۆی لە ئەنجوومەنی پارێزگای نەینەوا هەڵپەسارد و پەیاممان ڕوونە.