بەپێی هەواڵی کوردپرێس، ماڵپەڕی سپی میدیا بڵاوی کردەوە به‌ره‌به‌یانی ڕۆژی هەینی فڕۆکه‌کانی تورکیا بۆردوومانی ژماره‌یه‌ک هاوڵاتییان کرد که‌ بۆ کۆکردنه‌وه‌ی گیای به‌هارە سەردانی چیای گریێ سنووری ناحیەی شیلادزێی سه‌ر به‌ پارێزگای دهۆکیان کردووە.

ئاماژە بەوەش دەکات، بەهۆی بۆردوومانەکەوە دوو له‌و هاوڵاتییانه‌ گیانیان لەدەستداوە و یەکێکیشیان بە سەختی بریندار بووە کە تەمەنیان لە نێوان (٣٥ - ٤٠) ساڵدایه‌ و خێزاندارن و هاوڵاتیی گوندی بەرێسکێنە.

ئه‌و هاوڵاتیانه‌ی گیانیان له‌ده‌ستداوه‌ پێکهاتوون له‌ (سەعید موبارەک دێویکی و ئاراز فەرەج) و هاوڵاتییه‌کی دیکەش به‌ ناوی (ساڵح موبارەک) برینداربووە.