بەپێی هەواڵی کوردپرێس، هیو ویلیامسۆن، بەڕێوەبەری ئەورووپا و ئاسیای ناوەندیی ڕێکخراوی مافی مرۆڤ لە ڕاگەیێندراوێکدا دەڵێت: تێپەڕبوونی ۷ ساڵ بەسەر زیندانی کردنی سەلاحەدین دەمیرتاش و فیگن یوکسکداغ-دا نیشاندەری ئەوەیە کە ئەردۆغان سەرۆک کۆماری تورکیا بۆ گەیشتن بە ئامانجە سیاسیەکان و بێدەنگ کردنی سیاسەتوانانی ئۆپۆزیسیۆن مەیلێکی زۆری بە زیندانی کردنی نەیارەکانی هەیە.
سێ ناوەندی مافی مرۆڤی دیکەش داوا جێبەجێ کردنی بڕیارەکەی دادگای مافی مرۆڤی ئەورووپایان کردووە بۆ ئازاد کردنی سەلاحەدین دەمیرتاش، سیاسەتوانی کوردی تورکیا کە لە ساڵی ۲۰۱۶وە لە زینداندایە.
ئەنجومەنی وەزیرانی ئەورووپایش چەندین جار داوای ئازاد کردنی زیندانیانی سیاسیی لە تورکیا کردووە، بەتایبەت سەلاحەدین دەمیرتاش سیاسەتوانی کورد.
Your Comment