بەپێی هەواڵی کوردپرێس، بە گوێرەی زانیارییەکانی دژەتیرۆری هەرێمی کوردستان، شەوی ڕابردوو ۲۵/۲۶ی تشرینی یەکەمی ۲۰۲۳، لە زنجیرەیەک بۆردوومانی فڕۆکەی جەنگی و فڕۆکەی بێفڕۆکەوانی سوپای تورکیا بۆ سەر چەند پێگەیەکی چەکدارانی پەکەکە لە سنووری سیدەکان، ۹ چەکداری پەکەکە کوژران.

ئه‌وه‌ش خراوه‌ته‌ ڕوو، لە لایەکی دیکەوە هەر شەوی ڕابردوو فڕۆکەی جەنگی و فڕۆکەی بێفڕۆکەوانی سوپای تورکیا، چەند پێگەیەکی پەکەکەیان لە سنووری شیلادزێ و دێرەلووک بۆردوومان کرد و بەهۆیەوە چەکدارێک کوژراو و ۳ چەکداری دیکەش بریندار بوون.