بەپێی هەواڵی کوردپرێس، ده‌قی‌ په‌یامه‌كه‌ی‌ حوسێن ئەمیرعەبدوڵڵاهیان وەزیری دەرەوەی کۆماری ئیسلامی ئێران بەم‌شێوەیە:

بەڕێز جەنابی بافڵ جەلال تاڵەبانی

سەرۆکی بەڕێزی یەکێتی نیشتمانی کوردستان

سلام علیکم

خوازیارم گەرمترین پیرۆزباییەکانی خۆم بە بۆنەی هەڵبژاردنی بەڕێزتان وەک سەرۆکی حیزبی ڕەسەن و دێرینی یەکێتیی نیشتمانیی کوردستانی عێراق ئاراستە بکەم. لەم دەرفەتە سوود وەردەگرم و ئامادەیی کۆماری ئیسلامیی ئێران بۆ پتەوکردنی پەیوەندییەکان لەگەڵ حکوومەتی فیدراڵ و هەرێمی کوردستان ڕادەگەیەنم.

 هیوادارم لەژێر سایەی فەزڵی خودا و بەهاوکاری کۆدەنگی ناوخۆی حیزب کە لە کۆنگرەی پێنجەمدا دەرکەوت و بەپشت‌بەستن بە هێڵی بیرکردنەوەی مەرحومی جەلال تاڵەبانی لە پتەوکردنی یەکپارچەیی نیشتیمانی عێراق، بینەری یەکێتی ناوخۆیی و سەرکەوتنی هەرچی زیاتری یەکێتی نیشتمانی بین بۆ پێشکەوتنی هەرێمی کوردستان.

 لە خوای گەورە تەندروستی، سەلامەتی و سەرکەوتنی رۆژ لە دوای رۆژتان بۆ دەخوازم.

 حوسێن ئەمیرعەبدوڵڵاهیان

 وەزیری دەرەوەی کۆماری ئیسلامیی ئێران