بەپێی هەواڵی کوردپرێس، میدیاكانی توركیا بڵاویان كرده‌وه‌ كه‌ ته‌قینه‌وه‌كه‌ له‌ باڵه‌خانه‌یه‌كی نیشته‌جێبوونی گه‌ڕه‌كی شیرینئێڤله‌ر له‌ شاری ئه‌سته‌نبۆڵ ڕووی داوه‌ و هۆكاره‌كه‌شی به‌هۆی لێچوونی غازه‌وه‌ بووه‌.

ئاماژه‌یان به‌وه‌ش داوه‌ كه‌ له‌ ئه‌نجامی ته‌قینه‌وه‌كه‌دا كه‌سێک گیانی له‌ده‌ست داوه‌ و ۴ كه‌سی تریش بریندار بوون كه‌ برینی دوو له‌ برینداره‌كان سه‌خته‌ و بارودۆخی ته‌ندروستییان ناجێگیره‌.

تیمێكی زۆری به‌رگریی شارستانی و ته‌ندروستی گه‌یشتوونه‌ته‌ شوێنی ڕووداوه‌كه‌، هه‌روه‌ها هێزه‌ ئه‌منییه‌كانیش لێكۆڵینه‌وه‌كان بۆ هۆكاری دروستبوونی ته‌قینه‌وه‌كه‌ ده‌ست پێ كردووه‌.