بەپێی هەواڵی کوردپرێس، گۆڤاری میدل ئیست مۆنیتۆر بڵاوی کردەوە، سێرگی لاڤرۆڤ، وەزیری دەروەی ڕووسیا لە کۆنفرانسێکی ڕۆژنامەوانیی هاوبەشدا لەگەڵ هاوتا توونسیەکەی ڕایگەیاندووە: پشتگیریی ئەمریکا لە کوردەکانی سووریا هەنگاوێکە بۆ پێشێل کردنی سەروەریی سووریا.

سێرگی لاڤرۆڤ، ئەمریکا و ئیدارەی خۆسەری کوردیی بە دزینی گەنم و نەوتی سووریا تۆمەتبار کرد و وتیشی: ئەمەش قەیرانی ئابووریی سووریای لێکەوتۆتەوە.

وەزیری دەروەی ڕووسیا ئەوەشی ڕاگەیاند کە ئەمریکا نیمچەدەوڵەتێکی لە کەنارەوەکانی ڕووباری فۆرات لە سووریا دروست کردووە.