بەپێی هەواڵی کوردپرێس، ئه‌مرۆ بڕیاربوو په‌رله‌مانى کوردستان کۆ ببێته‌وه‌ بڕگه‌یه‌کى کۆبوونه‌وه‌که‌ تایبه‌ت بوو به‌ کارکارکردنه‌وه‌ى کۆمیسیۆنى هه‌ڵبژاردنه‌کانى هه‌رێم، به‌ڵام بەر لەوەی کۆبوونەوەکە بەڕێوەبچێت، پەرلەمانتارانی هەردوو فراکسیۆنی یەکێتی و پارتی چوونە سەر ستەیجی دەستەی سەرۆکایەتی و گرژیی لەنێوانیان ڕوویدا.

شه‌ڕه‌که‌ شه‌ڕێکى ده‌سته‌ و یه‌خه‌بوو له‌ نێوانیان و تائێستا شه‌ڕى وا ڕووی نه‌داوه ‌و په‌رله‌مانتارانى یه‌کێتى زیاد کردنى بڕگه‌یه‌کیان بۆ کۆبوونه‌وه‌که‌ به‌ نایاسایی زانى.

په‌رله‌مانتارانى پارتى له‌گه‌ڵ کاراکردنه‌وه‌ى کۆمیسیۆن بوون و په‌رله‌مانتارانى یه‌کێتى ده‌ڵێن پێشتر رێکه‌وتن کراوه‌ هه‌موو بابه‌ته‌کانى په‌یوه‌ست به‌هه‌ڵبژاردن به‌یه‌ک پاکێج تێپه‌ڕێندرێت.

له‌لایه‌ن سه‌رۆکى په‌رله‌مانى کوردستانه‌وه‌ کۆبوونه‌وه‌ى په‌رله‌مان دواخرا و پارتى ده‌ڵێت پێویسته‌ سه‌به‌ینێ کۆبوونه‌وه‌که‌ ئه‌نجام بدرێت.