بەپێی هەواڵی کوردپرێس، له ڕوونکردنه‌وه‌یه‌کى وه‌زاره‌تى داراییدا هاتووه، لەچەند ڕۆژی ڕابردوودا لە کاتی دابەش کردنی مووچەی مانگی ئازاری فەرمانبەران و خانەنشینان لە چەند بانکێک لە سنووری پارێزگای سلێمانی و ئیدارەی گەرمیان و ڕاپەڕین جیاکاری لە دابەش کردنی مووچەی چین و توێژە جیاوازەکان کراوە و بەپێی زۆری و کەمی مووچە و پلەکانیان کاتی دابەش کردنی مووچەیان بۆ دیاری کراوە.
له ڕوونکردنه‌وه‌که‌ى وه‌زاره‌تى دارایی هۆکارى دابه‌ش نه‌کردنى مووچه‌ى چه‌ند فه‌رمانگه‌یه‌ک بۆ دوو هۆکار گه‌ڕێندراونه‌ته‌وه ئه‌وانیش:
1- ئەوەی کراوە کاری سەربەخۆی بانکی ناوەندی هەرێم / سلێمانی بووەو بەهیچ جۆرێک وەزارەتی دارایی لێی بەرپرس نییە و بڕیاردەری ئەو کارە ڕوبەڕوی لێپرسینەوەی یاسایی دەبێتەوە.
2- دابەش کردنی مووچە بە پێی خشتەی ڕاگەیەنراو دەبێت کە لەلایەن وەزارەتی داراییەوە کە لە پەیجی فەرمیمان بڵاودەکرێتەوە، هەروەکوو لەڕابردوو پەیڕەوکراوە جگە لە وەزارەت کەس مافی دەستکاری و گۆڕانکاری لەخشتەکەدا نییە.
ژماره‌یه‌ک فه‌رمانگه‌ى سنورى پارێزگاى سلێمانى و ئیداره‌کانى گه‌رمیان و راپه‌رین تا ئێستا مووچه‌ى مانگى ئاداریان وه‌رنه‌گرتووه ئه‌گه‌رچى هاوتاکانیان به‌ر له جه‌ژنى ره‌مه‌زان مووچه‌یان وه‌رگرتووه.
Your Comment