بەپێی هەواڵی کوردپرێس، له‌ كۆبوونه‌وه‌كه‌دا نێچيرڤان بارزانى پشتگيريى هه‌رێمى كوردستانى بۆ سه‌رۆک وه‌زيران و حكوومه‌تى فيدراڵيى عێراق و جێه‌جێ كردنى كارنامه‌كه‌ى دووپات كرده‌وه‌.

لاى خۆيه‌وه‌ سوودانى جه‌ختى له‌گرنگيى به‌رده‌واميى گفتوگۆى حكوومه‌تى هه‌رێمى كوردستان و حكوومه‌تى فيدراڵيى عێراق بۆ چاره‌سه‌ركردنى كێشه‌كان كرده‌وه‌.

هه‌ردوولا هاوڕا بوون له‌سه‌ر پێويستيى جێبه‌جێ كردنى ڕێككه‌وتننامه‌ى ده‌سپێكردنه‌وه‌ى هه‌نارده‌كردنى نه‌وتى هه‌رێمى كوردستان و پشتيگيريى لايه‌نه‌ سياسييه‌كان له‌ ئه‌نجوومه‌نى نوێنه‌ران بۆ تێپه‌ڕاندنى ياساى بودجه‌ى گشتيى عێراق.

بارزانی و سوودانی هه‌روه‌ها داكۆكييان له‌ به‌رده‌واميى هاريكاريى هاوبه‌شى نێوان هه‌ولێر و به‌غدا له‌ هه‌موو بواره‌كاندا كرده‌وه‌ بۆ چارەسەر کردنی کێشەکانی عێراق.