بەپێی هەواڵی کوردپرێس، تەلەڤزیۆنی رووداو بڵاوی کردەوە ئەو شوێنەی مووشەکەکانی لێدانراون دەشتی ساڵەیی نێوان گوندەکانی حەسار و دارەمان 10 بۆ 15 کیلۆمەتر لە کەرکووکەوە دوورە.

بەگوتەی دانیشتووانی ئەو ناوچەیە کە قسەیان بۆ پەیامنێری رووداو کردووە، "درەنگانی شەوی رابردوو هێزێک لەو ناوچەیە بینراون، بەڵام نەزانراون سەر بە کێن و تاوەکوو ئێستاش دیارنییە کە کێ ئەو مووشەکانەی لەو ناوچەیە داناون."

هەرچەندە شوێنی دانانی مووشەکەکان لە گوندەکان دوورە، بەڵام دوای ئەوەی مووشەکەکان دانراون خەڵکی ناوچەیە هێزە ئەمنییەکانیان ئاگادارکردوونەتەوە و ئەوانیش چوونەتە شوێنی مووشەکەکان.

ئێستا هێزە ئەمنییەکانی کەرکووک لە شوێنی رووداوەکەن و دەستیان بە لێکۆڵینەوە لە رووداوەکە کردووە.

کۆدی هەواڵنێر: 60113