بەپێی هەواڵی کوردپرێس، له راگه‌یه‌ندراوێکدا شانه‌ی راگه‌یاندنی سه‌ربازی بڵاوی کرده‌وه، له‌چوارچێوه‌ی ئه‌رکه‌کانیان بۆ رێگری کردن له مافیاکانی تاوانی رێکخراو و له پرۆسه‌یێکی تایبه‌تدا، به پشت به‌ستن به‌زانیاری وردی به‌ڕێوه‌به‌رایه‌تی هه‌واڵگری سه‌ربازی وه‌زاره‌تی به‌رگری، دوو مافیای تایبه‌ت به رفاندن و بێزارکردنی هاوڵاتیان له پارێزگای که‌رکووک ده‌ستگیر کران.
ئه‌وه‌شی خسته‌ڕوو، پرۆسه‌که به‌هه‌ماهه‌نگی له‌گه‌ڵ به‌شی هه‌واڵگری باره‌گای پێشکه‌وتووی ئۆپه‌راسیۆنه هاوبه‌شه‌کانی که‌رکووک و به‌شی هه‌واڵگری سه‌ربازی فیرقه‌ی حه‌وتی جموجۆڵه‌کان له چوارچێوه‌ی بۆسه‌یێکدا له ئاڵتون کۆپری "پردێ" ده‌ستگیرکراون.
ئه‌وه‌شی خسته‌ڕوو، هه‌ردوو تۆمه‌تباره‌که دوای وه‌رگرتنی وته‌کانیان، به‌پێی مادده‌ی 421 له‌یاسای سزادانی عێراقی، ره‌وانه‌ی لایه‌نی په‌یوه‌ندیدار کراون به‌مه‌به‌ستی وه‌رگرتنی سزای یاسایی خۆیان.
کۆدی هەواڵنێر: 60113
Your Comment