بەپێی هەواڵی کوردپرێس، جووتیار عادل وتەبێژى حکوومەتى هەرێم بە میدیاى فەرمى عێراقى ڕاگەیاندووە: "سەردانەکەى کازمى بۆ تەواوى هەرێم و بینینى بەرپرسان و هاوڵاتییان، یارمەتیدەر دەبێت بۆ نەهێشتنى کۆسپ و تەگەرەکان، هیوادارین دەستپێشخەرییەکى خێر بێت بۆ چارەسەرى کێشە هەڵپەسێرداوەکان لەدواى ساڵى 2003ەوە تا ئێستا".

جوتیار عادل وتیشی "حکوومەتى هەرێم ئیرادەى تەواوەتى و راستەقینەى هەیە بۆ گەیشتن بە رێککەوتنى هاوبەش بەپێی دەستوور کە هەردوولا پێی رازى بن".

وتەبێژی حکوومەتی هەرێمی کوردستان ئاشکراشی کرد، هەرێم ئامادەیە داهاتى 250 هەزار بەرمیل نەوتى رۆژانە بداتە عێراق، هەروەها بەپێی دەستوور دەروازە سنوورییەکان بە هاوبەشى بەڕێوە ببرێن.

کۆدی هەواڵنێر: 60113