کوردپرێس:

به‌گوێره‌ی ئاژانسی فورات نیوزی نزیك له‌ په‌كه‌كه‌، چیچەک دوای ئەوەى هاوسەرۆک شارەوانییەکەى زەوت کرا، لە لایەن دەوڵەتی تورکیاوە دەستگیر کراوە، دەستگیرکردنەکەشی بە پاساوی ئەوەبوو کە ساڵی 2015 بەشداریی رێپێوانی سەندیکای زەحمەتکێشانی زانستی و پەروەردەی (ئەیتم - سەن) کردووە، کە بۆخۆی ئەندامی سەندیکاکە بووە، هەروەها ئەندامی کۆنگرەى کۆمەڵگەى دیموکراتیک (کەجەدە)یە‌.

چیچەک به‌هۆی ئەندامبوونی له‌ کۆنگرەى کەجەدەدا بڕیاری زیندانیکردنی بەسەردا سەپێنراوه، به‌ڵام تا ئێستا واده‌ی زیندانیكردنی دیاری نه‌كراوه‌‌.

ئیبراهیم چیچەک لە هەڵبژاردنی 31ی ئازاری ساڵی رابردوو بۆ هاوسەرۆکی شارەوانیی یەنیشەهیری ئامەد هەڵبژێردرا، بەڵام بەڵگەنامەى دەستبەکاربوونی پێنەدراوە، بەهۆی ئەوەی بەشداریی لە چەند خۆپیشاندانێکدا کردووە.