بەپێی هەواڵی کوردپرێس، برێت مەکگۆرک، نێردەی پێشووی تایبەتی سەرۆکی ئەمریکا بۆ هاوپەیمانی نێودەوڵەتی دژی داعش کە ئێستا لە ئیدارەی جۆ بایدن سەرۆکی نوێی ئەمرکیا وەکوو هەماهەنگکەرەوەی کاروباری ڕۆژهەڵاتی ناوەڕاست و ئەفریقا لە کۆشکی سپی دەست نیشان کراوە، یەکەم کاردانەوەی لەسەر پرسەکانی کورد لە پۆستە نوێکەیدا نیشان دا.

شەوی ڕابردوو بۆ یەکەمجار کاردانەوەی بۆ هێرش کردنەسەر فڕۆکەخانەی هەولێر نیشان دا و بەیاننامەی هاوبەشی ئەمریکا و چوار وڵاتی ئەورووپیی کە هێرشەکەیان ئیدانە کردبوو، هاوبەش کردەوە.

برێت مەکگۆرک، دەڵێت بڵاو کردنەوەی ئەو بەیاننامەیە لەلایەن ئەمریکا و چوار وڵاتی ئەورووپییەوە نیشاندەری بەڵێنی ئەو وڵاتانەیە بۆ پشتگیری لە حکوومەتی ناوەندیی عێراق و هەرێمی کوردستان.

مەکگۆرک هەروەها توویتەکەی سەرۆک وەزیرانی هەرێمی کوردستان کە لەبارەی هەوڵدان بۆ پاراستنی ئەمنیەتی عێراق و شەڕی هاوبەشی هاوپەیمانان و هەرێمی کوردستان و عێراق لەدژی داعش بڵاوی کردبووەوە، ڕیتوویت کرد.

کۆدی هەواڵنێر: 60113