کوردپرێس:

هەندێک وشەی کار لە زمانی کوردیدا کاری لێکدراون هەندێکی دیکەش کاری ناتەواون. واتا کارەکە تەواوکەر (متمم)ی لەگەڵ دەبێت.

بۆ نموونە کاری ناتەواوی «کردن» پێویستی بە تەواوکەر هەیە و لە ڕێژەی ڕابردوودا جێناوی کار دەلکێت بە بەرکار (مفعول)ەوە: داوای یارمەتیم کرد.

وەک لە خشتەکەدا دەردەکەوێت وشەی یارمەتی کە بەرکارە بە پیتی دەنگدار یان بزوێنی "ی" تەواو دەبێت و لکانی "ی"ی جێناوی سێهەم کەسی تاک و "یان"ی جێناوی سێهەم کەسی کۆ زەرووەرەتێکە و پێویستە لە نووسیندا ڕەچاو بکرێت.

خاڵێکی دیکەی هەڵەی ڕێنووسی لە بارەی «ی»وە وەکوو جێناوی بکەری کردار دەگەڕێتەوە بۆ ڕێژەی سێهەم کەسی ڕابردوو و ناڕابردوو (موزارع)ی کاری ناتەواو. لەو حاڵەتەشدا هەر کاتێک بەرکاری کردارەکە بە پیتی دەنگداری «ی»وە تەواو بووبێت پێویستە هەر دووک «ی»ی وشەکە و «ی»ی جێناوی بکەری کرداریش بنووسرێت بۆ نموونە:

دەقە کوردییەکان هەڵە و ناڕێکیی تێدایە.

یان:

ئەو گرووپە پڕۆسەی ئاشتیی تێک دا

هەندێک وشەی "کار" هەن کە بە دەنگ یان بزوێنی "ی" کۆتایی دێن. ئەم وشانەش لە نووسیندا زۆر جار بە هەڵە دەنووسرێن. واتا لە حاڵەتی سێهەم کەسی تاک و کۆدا کە جێناوە لکاوەکان وەک بکەری کارەکە بە کارەوە دەلکێن پیتی "ی"یان تێدا ڕەچاو ناکرێت و ئەمەش هەڵەیە. نموونە: کاری نووسین بۆ شەش کەسی تاک و کۆ لە حاڵەتی ڕابردوودا بەم شێوەیەی خوارەوەیە:

دیارە شەش جێناوی لکاوی کوردی کە بە کارەوە دەلکێن بریتین لە م-ت-ی-مان-تان-یان. پێویستە ئاخێوەرانی زمان لە کاتی نووسیندا ئەم جێناوانە ڕەچاو بکەن و وەک لە گوتندا دەردەکەوێت لە نووسینەکەشدا پێویستە بنووسرێن.