بەپێی هەواڵی کوردپرێس، عه‌لی حسێنی، وته‌بێژی میحوه‌ری باکووری حه‌شدی شه‌عبی، رایگه‌یاند، تا ئێستا هیچ زانیارییێکیان له‌سه‌ر ئه‌و مووشه‌کانه نیه که ئاراسته‌ی هێزه‌کانی پێشمه‌رگه کراون له ناحیه‌ی پردێ له‌سه‌ر رێگای نێوان که‌رکووک- هه‌ولێر.
ئه‌وه‌شی خسته‌ڕوو، ڕه‌نگه ئه‌و موشه‌کانه له‌و ناوچه‌یه‌وه ئاراسته کرابن که بۆشایی ئه‌منین له‌نێوان هه‌ردوولا و له‌ژێر کۆنتڕۆڵی سوپای عێراق و هێزه‌کانی پێشمه‌رگه‌دا نین.
عه‌لی حسێنی باسی له‌وه‌ش کرد، لێکۆڵینه‌وه له که‌وتنه‌خواره‌وه‌ی مووشه‌که‌کان له‌سه‌نگه‌ره‌کانی هێزی پێشمه‌رگه ده‌کرێت و تا ئێستاش لێکۆڵینه‌وه‌کان به‌رده‌وامن.
شایانی باسە پێشتر محەمەد خورشید بەرپرسی لقی سێی پارتی دیموکراتی کوردستان لە کەرکووک ڕایگەیاند 3 مووشه‌ک ئاراسته‌ی میحوه‌ری پردێی هێزه‌کانی پێشمه‌رگه‌ی هەرێمی کوردستان کرا و هیچ زیانێکی لێنه‌که‌وته‌وه.
کۆدی هەواڵنێر: 60113
Your Comment