کوردپرێس:
سه‌رۆكى حكوومه‌تى هه‌رێمى كوردستان له تویتێكدا ڕایگه‌یاند، گه‌یشتنى كاروانێكى دیكه‌ى ڤاكسینى دژ به‌كۆرۆنا له ڕێگه‌ى حكوومه‌تى فیدڕاڵ بۆ هه‌رێمى كوردستان به‌بڕى 43,800 ژه‌م جێى خۆشحاڵییه، كه به‌پێى سیستمى گرووپه‌كانى تۆماركراو ده‌درێت.
بارزانى ئه‌وه‌شى خستۆته ڕوو، ئه‌مه له چوارچێوه‌ى پلانه‌كانیاندایه بۆ راسته‌وخۆ دابین كردنى بڕى زیاتر له ڕێگه‌ى كۆمپانیا به‌رهه‌م‌هێنه‌ره‌كان.
وته‌كانى سه‌رۆكى حكوومه‌تى هه‌رێم له‌كاتێكدایه، تا ئێستا هه‌ر بڕه ڤاكسینێك گه‌شتبێته هه‌رێمى كوردستان له ڕێگه‌ى حكوومه‌تى فیدڕاڵیه‌وه بووه و حكوومه‌تى هه‌رێم هیچ بڕه ڤاكسینێكى له‌سه‌ر خه‌رجى خۆى دابین نه‌كردووه.
Your Comment