بەپێی هەواڵی کوردپرێس، بەڕێوەبەری ئیدارەی پەروەردەی شاری مەهاباد ڕۆژی یەکشەممە 20ی ڕەشەمە لە کۆبوونەوەی ناوەندی ڕووبەڕوو بوونەوەی قەیرانی شاری مەهاباددا ڕایگەیاند: 17 قوتابخانە و خانووی مامۆستا وەکوو شوێنی نیشتەجی بوونی ئیدارەی پەروەردە ئامادەی پێشوازی کردنن لە گەشتیارانی نەورۆزی کە سەردانی شاری مەهاباد دەکەن.

کامبیز شاولە زیادی کرد: شوێنە دیاری کراوەکانی ئیدارەی پەروەردە بۆ پێشوازی کردن لە موسافرانی نەورۆزی بریتین لە 17 قوتابخانە کە 160 وانگە و پێداویستی تایبەتی هەیە و هەروەها خانووی مامۆستایان بە 130 ژوورەوە، کە ئامادەی پێشوازی کردنن لە گەشتیاران لە ڕێکەوتی 28ی ڕەشەممەوە تاکوو 12ی خاکەلێوەی ساڵی داهاتوو.

سەرۆکی ئیدارەی تەندروستیی شاری مەهابادیش ڕایگەیاند: ناوەندی فریاکەوتنی پزیشکیی مەهاباد لە 25ی ڕەشەمەوە تا 15ی خاکەلێوەی ساڵی داهاتوو لە هەموو ڕێگا پێوەندیدەرەکانەوە چالاکن و ئامادەی خزمەتگوزاری بە گەشتیاران دەبن.

کۆدی هه‌واڵنێر: 60113