کوردپرێس- به‌پێی زانیارییه‌کانی وێب سایتیMindbodygreen ی پزیشکی، تیشکی خۆر ئه‌م نه‌خۆشییانه‌ چاره‌سه‌ر ده‌کات:

1. شێرپه‌نجه‌: "زین کیم"ی پزیشکی ئه‌مریکی ئاماژه‌ی به‌وه‌ کردوووه‌ که‌ خۆراکی ته‌ندروست و حه‌مامی تیشکی خۆر زۆر به‌سووده‌ بۆ سنووردارکردنی نه‌خۆشی شێرپه‌نجه‌ی مه‌مک.

2. کوشتنی به‌کتریا: تیشکی خۆر به‌کتریای زیانبه‌خش له‌ ناو ده‌بات.

3. ته‌ندروستی پێست: کاریگه‌ری زۆر باشی ھه‌یه‌ له‌سه‌ر گرفته‌کانی پێست وه‌ک سه‌ده‌فی و زیبکه‌ی و ئه‌کزیما و ھه‌و کردنی پێست.

4. کۆلیسترۆڵ: تیشکی خۆر ئاستی کۆلیسترۆڵی زیانبه‌خش له‌ له‌شدا که‌م ده‌کاته‌وه‌ و ڕێژه‌ی به‌رزی کۆلیسترۆڵی خوێن ده‌گۆڕێ بۆ ھۆرمۆنی ستیرۆید و هه‌ندێک ھۆرمۆنی دیکه‌ که ‌له‌ش پێویستییه‌تی.

5. فشاری خوێن: تیشکی خۆر ھاوکاره‌ له‌ دابه‌زاندنی فشاری خوێندا و کاریگه‌ری لاوه‌کی ھه‌ندێ ده‌رمان له‌سه‌ر دڵ که‌م ده‌کاته‌وه‌.

6. ئه‌ستوور بوونی خوێنبه‌ره‌کان: تیشکی خۆر ده‌چێته‌ قووڵاییی پێسته‌وه‌ ئه‌مه‌ش ده‌بێته‌ پاککه‌ره‌وه‌یێکی باش بۆ خوێن و مولووله‌کانی، توێژینه‌وه‌کانی پێشتریش که‌ له ‌ئه‌ورووپا کراوه‌ ده‌ریخستوووه‌ ئه‌وانه‌ی گرفتی ئه‌ستوور بوونی خوێنبه‌ره‌کانیان ھه‌یه‌ بارودۆخیان باشتر بوووه‌ کاتێ چوونه‌ته‌ به‌ر تیشکی خۆر، ھاوکات ڕێژه‌ی ئۆکسجین له ‌خوێندا زیاتر ده‌بێ و سه‌ره‌نجامیش له‌ شانه‌کاندا به ‌ھه‌مان شێوه‌.

سه‌رچاوه‌: تۆڕی هه‌واڵی سلێمانی (SNN)

کۆدی هه‌واڵنێر: 60103