بەپێی هەواڵی کوردپرێس، مەتین گورجان کارناسی پرسی ئەمنیەتی لە یادداشتێکی کورتدا کە دۆخی تورکیا لە ساڵی 2018دا تاوتوێ دەکات نووسیی: ئەگەر لە نێوان ئەرتەشی ئازاد کە تورکیا پشتیوانیی لێدەکات لەگەڵ هێزە کوردەکان کە لە لایەن ئەمریکاوە پشتیوانییان لێدەکرێت شەڕ دروست ببێت بارگرژی لە سووریا تەشەنە دەستێنێت.

ناوبراو لە یادداشتەکەیدا کە لە ئەلمانیتۆردا بڵاو کراوەتەوە دەشنووسێت: ڕووسیا لە ڕۆژئاوای سووریا و ئەمریکا لە ڕۆژهەڵاتی ئەو وڵاتە کاریگەرییان هەیە لەسەر هەڵسوکەوتی تورکیا و YPG.

مەتین گورجان لە کۆتاییدا دەڵێت: پرسیار ئەوەیە کە تەنگەژە لە نێوان تورکیا و YPG لە ساڵی 2018دا دەبێتە شەڕێکی قووڵ یا پڕۆسەی ئاشتی لە نێوانیاندا دەست پێدەکات؟ وەڵامی ئەو پرسیارە لە قەندیل و ئەنقەرە نییە بەڵکوو لە موسکۆ و واشنتەندایە.

کۆدی هه‌واڵنێر: 60113