کوردپرێس- بەوتەی فەرید حەق پەنا، بەڕێوەبەری گومرگی پەروێزخان نزیکەی 20 هەزار خێزان باروگوزەرانیان لەسەر مەرزی پەروێزخان بەڕێوە دەچوو، بەکردنەوەی مەرزەکەش کەسابەتی ئەوان کەوتەوە کار.
کردنەوەی هەردوو دەروازەی سنووری حاجی ئۆمەران و پەروێزخان جووڵەی خستۆتەوە کەرتی بازرگانیی نێوان ئێران و هەرێمی کوردستان، تەنیا لە دەروازەی سنووری پەروێزخان لە یەکەم رۆژی کردنەوەی دەروازەکەدا، 500 بارهەڵگر و 35 گەشتیار لەو دەروازەوە تێپەڕبوون.
لە 15ی ئۆکتۆبەری 2017 مەرزی پەروێزخان بەڕووی هەرێمی کوردستان داخرا، دواتر مەرزەکانی حاجی ئۆمەرانیشی بەدوادا هات، ئەمە رێڕەوێکی بازرگانی و هاوردەکردنی کاڵای بەسەر هەرێمی کوردستان داخست، ئەمە جیا لە پەک‌خستنی گەشتیاری و پەیوەندیی کۆمەڵایەتی، ژمارەیێکی زۆر لە خەڵکیشی لە چارەسەری پزیشکی لە ئێران بێبەش کرد.
کۆدی هەواڵنێر: ٦٠١٠١
Your Comment