کوردپرێس:

ئایەتوڵڵا عەلی سیستانی گەورە مەرجەعی شیعەکانی عێراق لە پەیامێکدا بەبۆنەی شەهیدکرانی سەردار قاسم سولەیمانییەوە سەرەخۆشی لە ڕێبەری باڵا و گەلی ئێران دەکات.

دەقی پەیامەکەی ئایەتوڵڵا سیستانی:

بسم الله الرحمن الرحیم

انالله و اناالیه راجعون

بەڕێزی پاک ئایەتوڵڵا خامنەیی بەرەکەتی بەردەوام بێت

السلام علیکم و رحمةالله و برکاته

هەواڵی شەهیدکرانی سەرداری پایەبەر بەڕێز حاج قاسمی سولەیمان سڵاوی خودای لێ بێت بووە هۆی کەسەر و ئەسەفی زۆر. ڕۆڵی کەم وێنەی ئەو خوالێخۆشبووە لە ماوەی شەڕی دژبە داعش لە عێراق و ماندووبوونی بەو مەسەلەیەوە لە بیر ناکرێت.

لای خۆمەوە بەبۆنەی کەسەری نەمانی ئەو شەهیدە پایەبەرزە سەرەخۆشی لە بەڕێزتان و منداڵە بەڕێزەکانیان و سەرجەم خزم و کەسو کاریان و هەموو گەلی بەشەرەفی ئێران و بەتایبەتی خەڵکی خۆشەویستی کرمان دەکەم و لای خودای مەزن بۆ خوالێخۆشبوو داوای دەرەجاتی عالی و بۆ بەجێماوانیش داوای سەبر و ئەجری پاشەڕۆژ دەکەم.

ولاحول ولا قوة الا بالله العلی العظیم

علی الحسینی سیستانی

۸ جمادی الاول ۱۴۴۱