کوردپرێس:

ڕۆژی یەکشەمە 29ی کانوونی یەکەمی 2019، به‌رهه‌م ساڵح سه‌رۆك كۆماری عێراق له‌گه‌ڵ عادل عه‌بدولمه‌هدی سه‌رۆكی حكوومه‌تی كاربه‌ڕێكه‌ری عێراق كۆ بووهوە‌ و له‌دیدارێكدا گفتوگۆ له‌باره‌ی ململانێكانی پێكهێنانی حكوومه‌تی نوێی عێراق و به‌دواداچوون بۆ جێبه‌جێكردنی داخوازیه‌كانی خۆپیشانده‌ران و بارودۆخی سیاسی و ئه‌منیی عێراق كرا.

له‌دوای ده‌ستله‌كاركێشانه‌وه‌ی عادل عه‌بدولمه‌هدی له‌پۆستی سه‌رۆك وه‌زیرانی عێراق له‌مانگی 11ی ئه‌مساڵ، له‌ژێر فشار و داخوازی خۆپیشانده‌ران، لایه‌نه‌ سیاسییه‌كان له‌هه‌وڵدان بۆ پێكهێنانی حكوومه‌تی نوێ و دیاریكردنی گه‌وره‌ترین كوتله‌ به‌ڵام تا ئێستا نه‌گه‌یشتوون به‌ڕێكه‌وتن و دیاریكردنی كاندیدێك بۆ پۆستی سه‌رۆك وه‌زیرانی عێراق.