کوردپرێس:
له به‌یاننامه‌یێكدا، شانه‌ی ڕاگه‌یاندنی ئه‌منیی عێراق بڵاوی كرده‌وه، له كاتژمێر (07:00)ـی ئێواره‌ی ڕۆژی یەکشەمە 29ی کانوونی یەکەمی 2019 باره‌گای لیوای (45)ـی حه‌شدی شه‌عبی له ناوچه‌ی "غابة سلوم" و "الحرش"ـی سنووری عێراق – سووریا رووبه‌ڕووی سێ بۆردومانی ئاسمانیی سوپای ئه‌مه‌ریكا بووه‌ته‌وه.
شانه‌ی ڕاگه‌یاندنی ئه‌منیی عێراق بڵاوی كرده‌وه، به هۆی بۆردومانی فڕۆكه بێ فڕۆكه‌وانه‌كانی ئه‌مریكا بۆ سه‌ر بنكه و باره‌گاكانی لیوای 45 ی حه‌شدی شه‌عبی له سنووری قه‌زای قائیم له پارێزگای ئه‌نبار 4 چه‌كداری حه‌شد كه یه‌كێكیان جێگری فه‌رمانده‌ی لیواكه‌یه گیانیان لە دەست دا.
هەرەها شانەی ڕاگەیاندنی ئەمنیی عێراق ڕاشیگه‌یاندووه، له‌و هێرشه‌دا 30 هێزی دیکەی حه‌شدی شه‌عبییش بریندار بوون.
Your Comment