کوردپرێس: ئه‌مڕۆ پێنج شه‌ممه‌ 5-12-2019 کۆبوونه‌وه‌ی سه‌رکردایه‌تی یه‌کێتیی نیشتمانیی کوردستان ئه‌نجامدرا و له‌کۆبوونه‌وه‌که‌دا رۆژی 21 -12-2019 وه‌ک رۆژی به‌ستنی کۆنگره‌ی چواره‌می یه‌کێتیی نیشتمانیی کوردستان ده‌ستنیشان کرا.

له‌دوای کۆبوونه‌وه‌که‌ش بافڵ تاڵه‌بانی و لاهوور شێخ جه‌نگی رایانگه‌یاند: له‌کۆبوونه‌وه‌ی ئه‌نجومه‌نی سه‌رکردایه‌تی یه‌کێتیدا بڕیار درا رۆژی 21 کانونی یه‌که‌می ئه‌مساڵ کۆنگره‌ی چواره‌می یه‌کێتی ئه‌نجام بدرێت و رۆژی دووشه‌ممه‌ی هه‌فته‌ی داهاتووش کۆنفرانسی مه‌ڵبه‌نده‌کان ئه‌نجام بدرێت.

له‌دوای کۆبوونه‌وه‌که‌ش له‌تیف شێخ عومه‌ر وته‌بێژی یه‌کێتیی نیشتمانیی کوردستان له‌ کۆنگره‌یێکی رۆژنامه‌وانیدا رایگه‌یاند: ئه‌نجومه‌نی سه‌رکردایه‌تی رۆژی 21 کانونی یه‌که‌می وه‌ک رۆژی به‌ستنی کۆنگره‌و رۆژی دوو شه‌ممه‌ی هه‌فته‌ی داهاتووی 9-12-2019 وه‌ک رۆژی کۆنفرانسی مه‌ڵبه‌نده‌کان دیاریی کرد.

کۆدی هەواڵنێر: 60113