کوردپرێس: ئاژانسی ڕۆیتێرز بڵاوی کردەوە هه‌ریه‌ک له لیندسی گراهام له كۆمارییه‌كان و كریس ڤان هۆلن له دیموكراته‌كان، له نامه‌یێكدا بۆ وه‌زیری ده‌ره‌وه‌ی وڵاته‌كه‌یان، مایک پۆمپیۆ، داوایان كرد، چیدی ئه‌مه‌ریكا ئارام نه‌گرێت و ئیدی كاتی سه‌پاندنی سزایه به‌سه‌ر توركیادا.
له نامه‌كه‌دا هاتووه: ئه‌گه‌ر ئیداره‌ی تره‌مپ شكست بهێنێت له سه‌پاندنی سزا به‌سه‌ر توركیادا، ئاماژه‌یێكی خراپه بۆ وڵاتانی دیكه، به جۆرێک كه ده‌توانن سووكایه‌تی به یاساكانی ئه‌مه‌ریكا بكه‌ن و به بێ سزا ده‌رباز بن.
له ئه‌مه‌ریكا یاسای به‌ره‌نگاربوونه‌وه‌ی نه‌یارانی ئه‌مه‌ریكا له رێی سزاكانه‌وه له 2017 ده‌رچووه و به گوێره‌ی ئه‌و یاسایه هه‌ر وڵاتێک كه‌رسته‌ی سه‌ربازی له رووسیا بكڕێت، له لایه‌ن ئه‌مه‌ریكاوه سزا ده‌درێت.
کۆدی هەواڵنێر: 60113
Your Comment