کوردپرێس:

ڕۆژی یەکشەممە 1ی کانوونی یەکەمی 2019 ژمارەیێک لە خۆپیشاندەرانی نەجەف دیسان هێرشیان کردە سەر کونسوڵخانەی ئێران لەو شارە و ئاگریان تێبەردا، لە بەیاننامەیێکیشدا بەڕێوەبەرایەتیی بەرگریی شارستانیی نەجەف دەڵێت: تیمەکانی ئاگرکوژێنەوە سەرقاڵی کوژاندنەوەی ئاگرەکەن.

ئەوە لەکاتێکدایە لەماوەی چەند رۆژی رابردوودا خۆپیشاندەران هێرشیان کردبوە سەر کونسوڵخانەی ئێران و ئەوەش ناڕەزایەتی تارانی بەدوای خۆیدا هێنا و حکوومەتی عێراقیش ئیدانەی ئەو کارەی کرد.

لای خۆیەوە، بەڕێوەبەری بەرگریی شارستانیی پارێزگای نەجەف ڕایگەیاند، دوای ئەوەی کۆنسوڵخانەی ئێران لە نەجەف سووتێنرایەوە تیمەکانی بەرگریی ئاگرەکەیان کۆنتڕۆڵ کرد.

شایانی باسە رۆژی 11/27/2019 خۆپیشاندەران کونسوڵخانەی ئێرانیان لە نەجەف سووتاند بەڵام ستافی کونسولخانەکە هیچ زیانێکی گیانییان بەرنەکەوتووە، بەو هۆیەشەوە هێزە ئەمنییەکان قەدەغەی هاتوچۆیان لە شەقامەکانی نزیک لە کونسخانەکە ڕاگەیاند.