بەپێی هەواڵی کوردپرێس لە ڕاگەیێندراوەکەدا هاتووە: " لەم ڕێگایەوە بە هەمووان ڕای‌دەگەیێنێت ئەو کەسانە و کاناڵ و هەژمارەکانیان لە تۆڕە کۆمەڵایەتییەکاندا هیچ پێوەندییێکیان بە ڕێکخراوی ژێئۆفیزیک و ناوەندی تۆماری بوومەلەرزەوە نییە و ڕای‌دەسپێرین بە هەموو خەڵکی خۆشەویست بە هیچ شێوەیێک نەبنە ئەندامی ئەو کاناڵانە.
هەروەها ئەو ڕێکخراوەیە بە مافی خۆی دەزانێت لە ڕێگای یاساییەوە بەدواداچوون بکات بۆ ئەوەی ئەو کاناڵانە و خاوەنەکانیان بەرەوڕووی یاسا ببنەوە.
هەروەها دکتور مورادی، سەرۆکی ناوەندی تۆماری بوومەلەرزە ڕاشی‌گەیاند پاش‌لەرزەکانی بوومەلەرزەی ئەم دواییەی مەلارد لە سنوورەکانی هەردوو پارێزگای تاران و ئەلبورز ژمارەیان ٢٠ پاش‌لەرزە بووە و هەمووشیان ئاستی گوڕیان لە خوارەوە بووە و زیاتر وردەلەرزە هەژمار دەکرێن.
کۆدی هەواڵنێر: ٦٠١٠٥
Your Comment