به‌پێی هه‌واڵی کوردپرێس، ئه‌حمه‌د ئه‌بیه‌ز به هه‌واڵده‌ریی ئه‌لمه‌علوومه‌ی وتوه: داواکه‌ی مه‌رجه‌عییه‌تی باڵای ئایینیی عێراق له سه‌ر پاوانی چه‌ک هێزی پێشمه‌رگه‌ش ده‌گرێته‌وه و ئه‌و داوایه فه‌توایێکی نوێیه که فه‌تواکه‌ی جیهادی که‌فایی له لایه‌ن مه‌رجه‌عییته‌وه پشتڕاست ده‌کاته‌وه.
ئه‌بیه‌ز جه‌ختی کرده‌وه: هه‌ندێک لایه‌ن ده‌یانه‌وێت به شێوازێک داواکارییه‌که به لاڕێدا ببنه یان گۆڕانکاری تێیدا بکه‌ن ئه‌وه‌ش له حاڵێکدایه که فه‌تواکه داوایێکی شه‌فافه و هێزی پێشمه‌رگه‌ش له خۆ ده‌گرێت.
پێشتر له میانی وتاری نوێژی هه‌ینیدا عه‌بدولمه‌هدی كه‌ربه‌لایی نوێنه‌ری عه‌لی سیستانی ڕای گه‌یاندبوو، پێویسته چه‌ک ته‌نها له ژێر ده‌ستی ده‌وڵه‌تدا بێت و به‌شێكی زۆری ئه‌و هێزانه‌ی پشتیوانیی هێزه‌كانی عێراقیان كرد له شه‌ڕی دژی داعشدا له‌گه‌ڵ هێزه ئه‌منی و سه‌ربازییه‌كان تێكه‌ڵ بكرێت.
کۆدی هه‌واڵنێر: 60104
Your Comment