به‌پێی هه‌واڵی کوردپرێس، عه‌بدولڕه‌زا مێسری له دانیشتنی فه‌رمیی ڕۆژی ڕابردووی په‌رله‌مان ماده‌ی 104ی په‌یڕه‌وی ناوخۆی په‌رله‌مانی به به‌ڵگه هێنایه‌وه که ئه‌گه‌ر 50 نوێنه‌ری په‌رله‌مان داوای تاوتوێ کردنی بابه‌تێک له ده‌ره‌وه‌ی کۆبوونه‌وه‌ی فه‌رمی بکه‌ن ده‌بێت ئه‌و پڕۆژه‌یه به شێوازی نائاسایی بێته په‌رله‌مان و تاوتوێ بکرێت.
نوێنه‌ری کرماشان له په‌رله‌مانی ئێران وتیشی: پڕۆژه‌ی پشتیوانی کردن له لێقه‌وماوانی کرماشان پڕۆژه‌یێکی به‌په‌له‌یه و پێویسته تاوتوێ کردنی په‌رله‌مان بخرێته یه‌که‌مایه‌تییه‌وه هه‌ر بۆیه‌ش داوا ده‌که‌م به بۆنه‌ی ئه‌و لێقه‌وماوانه‌وه که له هه‌وای 5 پله‌ی ژێر سیفر له نێو خێوه‌تدا ده‌ژین پڕۆژه‌ی پشتیوانی کردنیان تاوتوێ بکه‌ن.
شیاوی ئاماژه‌یه؛ پزشکیان جێگری سه‌رۆکی په‌رله‌مانی ئێران له وڵامی ئه‌و داوایه‌دا وتی: پڕۆژه‌ی پشتیوانی کردنی بوومه‌له‌رزه‌لێدراوه‌کان تاوتوێ بکرێت. \
کۆدی هه‌واڵنێر: 60104
Your Comment