کوردپرێس: بەپێی زانیاری ئاژانسەکانی هەواڵی تورکیا لە ٤٢ شوێنی ئیستەنبۆڵ لەلایەن ئاسایش و لەسەر داوای داوکاری گشتیی ئیستەنبۆڵ ئۆپەراسیۆنێکی فراوان بۆ دەستگیرکردنی ٢٩٢ سەرباز بەڕێوە چوو.

ئەو ٢٩٢ سەربازە بە تۆمەتی ئەوەی کە بە نهێنی کاریان بۆ بزووتنەوەی خزمەت کردووە، کە فەتحوڵا گولەن سەرۆکایەتیی دەکات، بۆیە داواکاری گشتیی ئیستەنبۆڵ فەرمانی دەستگیرکردنی بۆیان دەکردووە.

میدیاکانی تورکیا بڵاویان کردووەتەوە ئەو ٢٩٢ سەربازە تورکە بە نهێنی کاریان بۆ فەتحوڵا گولەن کردووە و لەڕێگەی پەیوەندیی تەلەفۆنیشەوە ئاشکرا کراوە کە ئەوان لەناو هێزە سەربازییەکانی تورکیا کاری سیخۆڕییان کردووە.

بەشێک لەو سەربازانەی پێشتر لە کاری سەربازی دوور خراونەتەوە، بەڵام بەشەکەی تریان تاکوو ئێستاش هەر سەربازن.

تاکوو ئێستا هیچ یەکێک لەو ٢٩٢ سەربازە دەستگیر نەکراون، تەنیا چەند گومانلێکراوێک نەبێت کە شوێنی ئەو سەربازانە پێ دەزانن.

سەرچاوە: باسنیووز

کۆدی هەواڵنێر: 60113