به‌پێی هه‌واڵی کوردپرێس، جه‌بار یاوه‌ر له لێدوانێکی ڕۆژنامه‌وانیدا ده‌ڵێت: ئه‌و هه‌وڵانه له چوارچێوه‌ی جێبه‌جێ کردنی پڕۆژەی وه‌زاره‌تی پێشمه‌رگه به مه‌به‌ستی ئه‌نجامدانی چاکسازییێک له‌و وه‌زاره‌تخانه‌یه و هێزه‌کانی سه‌ر به‌و وەزارەتە ئه‌نجام ده‌بێت که بریتییه له پڕچه‌ک کردن و مه‌شقی سه‌ربازیی ئه‌و هێزانه.
یاوه‌ر ئاماژه‌ی دایه ئه‌وه‌ی که وه‌زاره‌تی پێشمه‌رگه به مه‌به‌ستی سامان­پێدانی هێزه‌کانی چه‌ندین کۆبوونه‌وه‌ی له‌گه‌ڵ فه‌رمانده‌کانی هاوپه‌یمانیی نێونه‌ته‌وه‌یی و فه‌رمانده ئه‌مریکی، به‌ریتانی و ئه‌ڵمانییه‌کان به‌ڕێوه بردووه و زیادی کردووه: ئه‌و سێ وڵاته‌ش چه‌ندین پڕۆژەی هاوشێوه‌یان له‌و باره‌وه خستۆته ڕوو.
ناوبراو سه‌باره‌ت به جووڵه سه‌ربازییه‌کانی پێشمه‌رگه لە هێڵی په‌یوه‌ندی له‌گه‌ڵ هێزه عێراقییه‌کان له نزیکی شاری که‌رکووک به‌ره‌و سلێمانی، وتی: هیچ جۆره جووڵه‌یێک که جێگای نیگه‌رانی بێت بوونی نییه و ته‌نها پێشمه‌رگه پاش 16ی ئاکته‌وبری ڕابردوو و کۆنتڕۆڵی ناوچه کێشه‌له‌سه‌ره‌کان له لایه‌ن هێزه‌کانی ده‌وڵه‌تی فیدڕاڵ، له‌و ناوچانه پاشه‌کشێیان کردووه که هه‌وڵێکی ئاسایییه و کێشه‌یێکی لێناکەوێتەوە.
سه‌رچاوه: ڕۆژنامه‌ی "الشرق الاوسط"
کۆدی هه‌واڵنێر: 60104
Your Comment